நாயகன் அதீத மூளைக்காரன் தாமாகவே முன்வந்து காவல்துறைக்கு உதவி செய்கிறார். குற்றம் நடந்த இடத்தில் உள்ள மிகச்சிறிய தடயங்களை கூட ஆராய்ந்து அதன் மூலமாக குற்றவாளிகளை கைது செய்ய உதவுகிறார். இது தவிர மற்றவர்களின் எண்ணங்கள் , செய்கைகளை அறிந்து கொண்டு அதை தனக்கு ஏற்றவாறு மாற்றியமைப்பதில் கில்லாடி.

கடந்த காலத்தில் இதையே தொழிலாக கொண்டு பணம் சம்பாதித்த ஒரு ஏமாற்றுக்காரன்.

மனைவி, குழந்தை என மகிழ்ச்சியான அவருடைய குடும்பம் என்னவாகியது , ஏமாற்றுக்காரன் எப்படி காவல் துறையில் சேர்ந்தார் போன்ற பல கேள்விகளுக்கு விடை ஒவ்வொரு எபிசோடிலும் சிறிது சிறிதாக சொல்லப் படுகிறது.

நாயகன் (Simon Baker) மிகச்சிறந்த நடிப்பை வெளிப்படுத்தி இருக்கிறார். அவருடைய மேனரிசம் , பேச்சு திறைமைக்காக இந்த தொடரை பார்த்தவர்கள் நிறைய ‌பேர்.

முக்கியமான வில்லன் பாத்திரத்தில் Red John என்ற சீரியல் கில்லர் . இவர் நாயகனை‌ விட‌ பெரிய மூளைக்காரன். இவனுக்கும் நாயகனுக்கும் நடுவில் நடக்கும் போட்டியில் யார் வெற்றி பெற்றார் என்பது முடிவு.இன்னுமொரு சுவாரஸ்யமான விஷயம் என்னவென்றால் ‌Red John யார் என்று ‌நாயகன் உட்பட யாருக்குமே தெரியாது 5 வந்து சீசன் வரை..

நாயகி மற்றும் போலீஸ் அதிகாரியாக வரும் Robin Tunney நன்றாக நடித்திருக்கிறார்… கியுட்டாக உள்ளார்…

மற்றொரு போலீஸ் அதிகாரியாக வரும் கொரியன் நடிகர் மற்ற அனைவரும் சிறந்த நடிப்பை வெளிப்படுத்தி உள்ளனர்.

மிக நீளமான தொடர்… 7 சீசன்கள்… ஒவ்வொரு சீசனுக்கும் 23 எபிசோட்கள்… ஆனால் எந்த இடத்திலும் தொய்வின்றி நகர்கிறது.

கண்டிப்பாக பார்க்க வேண்டிய தொடர். அமேசான் ப்ரைமில் உள்ளது . ஆங்கில மொழியில் மட்டுமே உள்ளது

Watch Trailer: